Visita da la destinaziun Val

Igl è fascinant da vesair co che la terma da Peter Zumthor agescha sco catalisatur per ulteriurs edifizis contemporans interessants ed ha fatg dal vitg da Val ina destinaziun per persunas interessadas a l'architectura da tut il mund. In exempel che mussa co che la cultura po esser impurtanta per crear identitad.

• La destinaziun considerescha il turissem cultural sco fitg impurtant e sco factur essenzial. 
• I na dat ni ina strategia culturala ni in post spezialisà per la cultura.
• La promoziun culturala vegn garantida cun meds finanzials da la vischnanca, malgrà ch'i n'exista nagina lescha da cultura.
  • Il Valser Fonds, che vegn alimentà da las taxas da la vendita da l'aua minerala, sustegna ils projects cun in agid inizial.
  • La promoziun dal museum succeda sur la Regiun Surselva a basa da las prestaziuns da cunvegna cun las vischnancas.
• Projects innovativs sco «Stallgeschichten» promovan il potenzial turistic-cultural cun exposiziuns publicas en las anteriuras stallas dal vitg.
• In project remartgabel è la zona d'art planisada: Ina part dal territori da muntogna sur Val duai vegnir definida sco zona d'art en la planisaziun dal territori. Quai duai pussibilitar da crear spazi per projects d'art en la cuntrada ed iniziativas sumegliantas. Quest project è unic en l'entira Svizra e po vegnir valità sco project da pionier.