Per ina regiun muntagnarda viva.
Hotels da cultura Grischun
L'iniziativa "hotels da cultura Grischun" è ina rait d'hotels en las muntognas grischunas che mettan sapientivamain en il center la cultura. La finamira è quella da promover in turissem che s'accorda cun la natira e cun la cultura, da rinforzar il barat e da tgirar la diversitad culturala e linguistica da la regiun.
Il project
La cuminanza d'interess "Hotels da cultura Grischun" reunescha hotels en regiuns muntagnardas che chapeschan la cultura sco element central da lur purschida. Ensemen fixeschan ils commembers valurs e standards da qualitad e decidan davart la recepziun da chasas novas.
Il project renda visibla e perceptibla la diversitad culturala da las regiuns periferas muntagnardas, porscha ina plattafurma ed attira giasts che vulan experimentar la natira e la cultura. Tras cooperaziuns resultan novs formats, ins trai a niz sinergias e rinforza il posiziunament da mintga hotel sco hotel da cultura.
Il fundament dals Hotels da cultura Grischun furma ina cuminanza da valurs.
Valurs centralas dals Hotels da cultura Grischun
| Promoziun da la cultura | Ils hotels da cultura Grischun porschan ina plattafurma per lavur culturala. Latiers tutgan tranter auter exposiziuns, concerts, prelecziuns, formats da discussiun ed artisanadi. |
|---|---|
| Posiziun economica da la cultura | Cun in cler posiziunament davart la cultura vegnan pledentadas gruppas en mira cun in’affinitad per la cultura. La visita contribuescha a la valurisaziun economica, rinforza ils manaschis e garantescha plazzas da lavur. |
| Cultura dal barat da savida | La savida e las experientschas vegnan partidas. Ensemen cun partenaris naschan novas ideas e formats innovativs. |
| Identificaziun davart la cultura | La cuntrada, la cultura e las linguas dal Grischun èn la basa da l'identitad. Ils hotels da cultura gidan a mantegnair ed a sviluppar vinavant il patrimoni cultural regiunal. |
| Cultura dal respect | Fairness, avertadad e solidaritad caracteriseschan il contact cun giasts, collavuratur:as e cun partenari:as. Artistas ed artists vegnan tractads cun respect e survegnan gaschas usitadas en la branscha. |
Princip directiv
- Nus enritgin il territori muntagnard en il Grischun cun in program cultural multifar.
- Nus ans occupain activamain dal lieu, en il qual nus vivain ed agin.
- Nus tgirain nossa diversitad culturala e linguistica.
- Nus promovain in turissem che s'accorda cun la natira e cun la cultura e stgaffin spazi per la colliaziun, per il barat e per la valurisaziun regiunala.
- Ensemen contribuin nus ad ina regiun muntagnarda vitala.
7 Bilder anzeigen
