On the road 12.12.2024
Visita da la destinaziun Ente Turistico Regionale del Moesano
La regiun Moesano è en moviment. San Bernardino sa dasda or da ses sien da Rosaspina, il nov Parco Val Calanca procura per impuls positivs ed en l'entira regiun datti iniziativas turisticas culturalas interessantas.
Da las baselgias picturadas a Rossa sur las biennalas d'art pitschnas, ma preziusas, fin ad in zoo fantastic a Mesocco – las duas vals dal sid grischunas fan surstar cun lur schlantsch cultural.
graubünden Cultura ha inscuntrà sin sia roadtour Christian Vigne ch'è stà blers onns directur da l'organisaziun turistica regiunala, Luca Cereghetti, il president engaschà da l'organisaziun turistica ed iniziant e promotur dal zoo da Mesocco, sco era Gianpiero Ravaglio, il president da la regiun Moesano, ed Aurelio Troger, il president da la vischnanca burgaisa da Mesocco.
Invistas.
Las pli impurtantas constataziuns
- Il turissem cultural ha ina grond'impurtanza en la destinaziun.
- I na dat actualmain nagina strategia culturala, ma in secretariat cultural coordinescha ils numerus acturs.
- Inscunters instituziunalisads tranter persunas da la cultura e dal turissem han lieu ina fin duas giadas ad onn.
- Cun San Bernardino Swiss Alps ed il Parco Val Calanca èn sa posiziunads dus ulteriurs ferms partenaris che pon dar ina nova dinamica al svilup turistic (cultural) da la val.
- Bleras instituziuns culturalas stattan davant la sfida d'ina midada da generaziun.
- La regiun dispona d'in pèr attracziuns turistic culturalas interessantas, sco Rossarte u ArteSoazza. L'ultim exempel è il «ZOO di Mesocco» surprendent.
«En il Moesano exista ina cultura dinamica ch'è enragischada en la regiun e che vegn tgirada cun passiun. Igl è bel da vesair l'energia e la creativitad che sa zuppan en questas vals.»
Christian Vigne, directur da l'Ente Turistico Regionale del Moesano
12 Bilder anzeigen
