Tge è la finamira.
Program da lavur Spazi avert & Ufficinas
Vus enconuschais franc il meglier las sfidas, cun las qualas Vus essas confrunt:adas mintga di durant Vossa lavur, avais forsa ina u l'autra idea che Vus avais gia adina vulì realisar. Involvai las tematicas che As stattan a cor u As participaiad ina gruppa da lavur che tracta in tema che As interessa spezialmain.
Avain nus sveglià Voss interess u enconuschais Vus ina persuna che vuless s'annunziar qua? Lura As annunziai cun il formular correspundent u tramettai vinavant quest link!
Structura dal program
Il program da lavur «Spazi avert & Ufficinas» sa basa sin dus formats da l’occurrenza e sin ina metoda.
Ils criteris
Suenter la finiziun dal «Spazi avert» tscherna la direcziun dal project sin basa da las finamiras strategicas da graubünden Cultura ideas e projects ch'èn d'impurtanza per l'entir chantun u che pon servir sco projects da pilot e che vegnan perquai elavurads vinavant en il rom dal program da lavur.
| 1. Potenzial da valurisaziun | Il project generescha per las persunas activas sin il champ cultural e per las persunas responsablas per il turissem en la regiun ina valurisaziun directa u indirecta durabla. |
|---|---|
| 2. Sensibilisaziun | Il project gida a sensibilisar giasts ed indigens per il mantegniment dal patrimoni cultural e/u da la lavur culturala contemporana. |
| 3. Colliaziun | Il project rinforza las raits ed il barat tranter persunas activas sin il champ cultural e las persunas responsablas per il turissem. |
| 4. Posiziunament tematic | Il project dat ina plattafurma al tema turissem cultural e meglierescha la percepziun interna ed externa da quel. |
| 5a. Alleinstellung (gegen aussen) | Il project rinforza ils arguments da vendita exclusivs dal chantun / da la regiun. |
| 5b. Identitad (a l'intern) | Il project rinforza l'identitad regiunala. |
| 6. Orientaziun a la purschida | Il project promova la qualitad turistic-culturala cun stgaffir purschidas turistic-culturalas d'auta qualitad. |
| 7. Furmaziun da raits | Il project gida a stabilir ina rait che s'occupa da temas dal turissem cultural en il Grischun. |
| 8. Innovaziun | Il project renconuscha potenzials d'innovaziun e porta novas propostas. |
| 9. Transferibilitad | Il project ha caracter da model e po vegnir transferì en auters contexts u en autras regiuns. |
| 10. Inclusiun e diversitad | Il project è inclusiv e sa stenta d'integrar ina gruppa d'umans uschè vasta e diversa sco pussaivel. Ina vasta paletta da vuschs e perspectivas vegn promovida ed integrada. |
| 11. Planisaziun da realisaziun | La planisaziun da la realisaziun en il project è clera ed orientada a finamiras, formulada per la gruppa da project a la gruppa da project e concepida a moda survesaivla. |
Co funcziuneschan las Ufficinas?
Las «Ufficinas» èn inscunters da lavur regulars. Els han lieu ina giada per quartal. Las gruppas da lavur rapportan dals progress da lur ideas e projects ed ins definescha communablamain las finamiras per ils proxims trais mais. Ins s'orientescha a la metoda dad OKR.
Tge è la metoda OKR?
OKR (Objectives and Key Results) è ina metoda per realisar strategias a moda agila. Ella serva a definir finamiras cleras (Objectives) e resultats mesirabels (Key Results). Ella promova il focus, la transparenza e la collavuraziun cun orientar ils teams a prioritads cuminaivlas e cun controllar regularmain il progress.