Dus onns graubünden Cultura – ina bilantscha intermediara

En l'intervista discurra Howald da sinergias tranter la cultura ed il turissem e davart las sfidas dal project. La finamira è da colliar la diversitad culturala dal Grischun cun purschidas turisticas e da crear ina rait da contacts tranter las acturas ed ils acturs dad omadus secturs.

Howald dispona d'experientschas dal turissem e da la lavur culturala internaziunala. Dapi ch'el è entrà en uffizi, visita el las destinaziuns en il chantun per promover il barat direct. In resultat da questa lavur, che gida a crear raits, è il program da lavur «Spazi avert & Ufficinas». Howald vesa in grond potenzial da crear sinergias en il chantun. Per exempel lavuran la cultura ed il turissem ad Arosa gia sut ina direcziun.

Spezialmain a cor stattan a Howald las valladas da lingua taliana cun ina scena culturala viva (p.ex. Arte Bregaglia, ArteSOAZZA). A lunga vista duai graubünden Cultura daventar in center da cumpetenza per il turissem cultural – inclus ina plattafurma online. Ils 20 da november 2025 ha lieu a Cuira il terz forum chantunal.