On the road 25.10.2024
Visita da la destinaziun Tavau Claustra
La vischnanca da Tavau dispona d'in post spezialisà per la cultura, e l'entira destinaziun ha acturas ed acturs impurtants en il sectur cultural. E tuttina n'è il tema cultura betg prioritar en la destinaziun Tavau Claustra.
En il rom da la roadshow è graubünden Cultura tranter auter vegnì beneventà dal CEO da Tavau Claustra Turissem, Albi Kruker, e dal manader dal post spezialisà per la cultura da la vischnanca da Tavau, Christoph Luzi, sco era d'ulteriuras represchentantas e represchentants dals secturs cultura, architectura, musica e festivals. Quella diversitad da las participantas e dals participants ha purtà al barat perspectivas preziusas.
Invistas.
Las pli impurtantas constataziuns
- Il turissem cultural vegn considerà sco plitost impurtant per la destinaziun.
- La vischnanca da Tavau dispona d’ina strategia da cultura e d’in post spezialisà per la cultura che tgira il barat regular cun la destinaziun en in ritmus da duas emnas.
- Per la promoziun da la cultura èn responsablas las vischnancas, entant ch'il turissem porscha pussaivladads da sustegn cumplementaras.
- La collavuraziun tranter la cultura ed il turissem funcziunescha bain – i dat ina cultura da discussiun averta e las rollas èn repartidas cleramain.
- La communicaziun succeda oravant tut via il program per giasts, las persunas involvidas vesan però in potenzial per far optimaziuns.
- Cun il museum da Kirchner e grazia a la colliaziun litterara ed istorica cun Thomas Mann dispona Tavau da temas culturals impurtants.
«Tavau e Claustra han per quai che reguarda la cultura in'istorgia interessanta e multifara. Claustra cun ina ferma enragischaziun en la cultura dals Gualsers e sco lieu da segiurn roial, Tavau cun las persunalitads che han visità il lieu per sa revegnir e che han laschà enavos qua lur fastizs. Il fundus cultural ed il potenzial turistic che resulta èn immens. Per pudair rinforzar nossa orientaziun internaziunala ans gidan quests puncts culminants.»
Albert Kruker, directur da l'organisaziun turistica Tavau Claustra
6 Bilder anzeigen
