Visita da la destinaziun Engiadina Scuol Zernez (TESSVM AG)

La destinaziun dispona dapi dacurt d'ina plazza per ina managera da products en il sectur cultura ch'è occupada da Jeannine Lehmann. Ensemen cun Marianne Werro (collavuratura infurmaziun da giasts Sent) ha Jeannine Lehmann retschavì graubünden Cultura sin sia roadshow en l'Engiadina Bassa.

• La destinaziun considerescha il turissem cultural sco fitg impurtant. La cultura è in argument da vendita exclusiv da la regiun, en spezial en l'Engiadina Bassa e la Val Müstair.
• I na dat ni ina strategia culturala ni in post spezialisà per la cultura.
• Il svilup regiunal surpiglia la coordinaziun tranter l'organisaziun per la gestiun da la destinaziun, realisatur:as da cultura e las vischnancas. El sustegna era purschidas culturalas.
• Las vischnancas porschan sustegn finanzial ed èn responsablas per il svilup da purschidas.
• Il turissem surpiglia la communicaziun, elavura products e sustegna e promova events.
• Cunquai che la coordinaziun da las occurrenzas sa splega sur dus differents chanals n'han ins fin ussa betg sviluppà e promovì la collavuraziun tranter la cultura ed il turissem. I dat insaquants events culturals ed intginas purschidas culturalas communablas.
• Potenzial datti cunzunt en la communicaziun ed en il diever da sinergias.
• Ensemen cun la Regiun Engiadina Bassa Val Müstair ha il TESSVM incumbensà l'Institut per la perscrutaziun da la cultura grischuna da crear in profil cultural per l'entira regiun.