Visita da la destinaziun Surselva

Al barat da graubünden Cultura en il rom da la roadshow han participà Kevin Brunold, CEO da Surselva Turissem, Carsten Friedrich, expert da marketing ed Alice Bertogg, manadra da l'agentura da Surselva Turissem a Glion e responsabla per il sectur da cultura da la destinaziun.

• Il turissem cultural vegn considerà sco impurtant per la destinaziun.
• I dat ina strategia culturala.
• La vischnanca dad Ilanz/Glion dispona d'ina cumissiun da cultura cun in post da coordinaziun per cultura, cun il qual ella tgira in barat regular. Quel gioga ina rolla centrala en la promoziun da la cultura da la vischnanca che dispona d'ina atgna lescha per promover la cultura.
• En las vischnancas da Lumnezia, Breil e Sursaissa na datti nagina cumissiun da cultura. A Breil è en preparaziun ina lescha per promover la cultura che prevesa ina cumissiun respectiva.
• Inscunters instituziunalisads tranter persunas da la cultura e dal turissem na datti enfin ussa nagins.
• La collavuraziun tranter la cultura ed il turissem vegn amplifitgada dapi intgins onns cuntinuadamain e considerada sco fitg positiva.
• Particularmain bler potenzial cultural turistic ves'ins en la lingua ed en ils usits singulars.
• Cun surpigliar il secretariat da mira!Cultura ha Surselva Turissem pudì rinforzar la collavuraziun cun las guidas ed ils guids da cultura.