On the road 20.08.2024
Visita da la destinaziun San Murezzan ed Engiadina
La segunda visita en il rom da la roadshow da graubünden Cultura ha gì lieu a San Murezzan, nua ch'igl ha dà in barat interessant cun Martina Shuler-Fluor, Christoph Bürge e Silvan Caderas.
Entant che Engiadina Turissem sa concentrescha sin la communicaziun culturala, s'occupescha San Murezzan Turissem dal svilup da products culturals per l'entira Engiadin'Ota. Per coordinar il svilup da products per l'entira regiun ha San Murezzan Turissem creà ina plazza da 20 %. Engiadina Turissem e San Murezzan Turissem s'inscuntran ina giada al mais ad ina seduta da coordinaziun.
Invistas.
Las pli impurtantas constataziuns
- Il turissem cultural vegn considerà sco fitg impurtant.
- I dat ina strategia culturala.
- I dat in post spezialisà per la cultura.
- Cooperaziun: I dat inscunters instituziunalisads tranter persunas da la cultura e dal turissem, sco il Culturissem, che ha lieu ina fin duas giadas l'onn cun actur:as da la cultura e furnitur:as da servetschs.
- Management da products culturals: Per coordinar la purschida turistic-culturala da San Murezzan e da l'Engiadin'Ota han ins creà ina plazza da 20 % per ina managera da products.
- Collavuraziun tranter la cultura ed il turissem: Il barat tranter la cultura ed il turissem è stretg ed ina stretga collavuraziun vegn promovida.
- Potenzial turistic-cultural è avant maun.
«L'Engiadin'Ota è in vair paradis per la cultura: Qua chatt'ins sin pitschnischem spazi ina gronda varietad da purschidas da tut gener. La lingua rumantscha, l'ierta da la vallada, è l'ivetta en la scena culturala.»
Martina Shuler-Fluor, Business Development Culture Engadin
9 Bilder anzeigen
