On the road 26.09.2024
Visita da la destinaziun Lai
Cun il Guaud magic l'enviern e differentas purschidas culturalas durant las ulteriuras stagiuns dat la destinaziun Lai grond pais a la cultura.
Claudia Züllig (presidenta da l'uniun «Kultur am Pass») ha beneventà graubünden Cultura a Lai. Cun l'uniun «Kultur am Pass» dispona la destinaziun Lai d'ina instituziun che s'engascha a moda activa ensemen cun las vischnancas da Lantsch, Vaz e Churwalden per render visibla e perceptibla la cultura en la regiun Lai – per la populaziun indigena ed ils giasts.
Invistas.
Las pli impurtantas constataziuns
- Il turissem cultural vegn considerà sco impurtant per la destinaziun.
- Ina strategia culturala è avant maun.
- La destinaziun dispona d'in secretariat cultural che lavura en il rom dal project «Kultur am Pass». El organisescha sesidas da suprastanza ad-hoc e regularas.
- Il secretariat cultural è il post da consultaziun principal per dumondas en connex cun occurrenzas culturalas en la regiun Lai.
- Cun ses engaschament vul l'uniun KaP «Kultur am Pass» render visibla e perceptibla ensemen cun las vischnancas da Lantsch, Vaz e Churwalden la cultura en la regiun – per la populaziun indigena ed ils giasts.
- La collavuraziun tranter cultura e turissem sin stgalim instituziunal e persunal funcziuna fitg bain e las rollas èn repartidas cleramain.
«La cultura è ina part impurtanta dal turissem en nossa regiun da vacanzas. Nus appreziain fitg la collavuraziun cun las trais vischnancas da Churwalden, Vaz e Lantsch ed il sustegn en la communicaziun da vart da LMS Lenzerheide Marketing Support AG a favur tant da la populaziun indigena sco era dals giasts.»
Claudia Züllig, presidenta da l'uniun Kultur am Pass
8 Bilder anzeigen
