On the road 26.09.2024
Visita da la destinaziun Cuira
Cuira è la suletta destinaziun en il Grischun, en la quala ins po giudair il sentiment d'in viadi en ina citad. Perquai na fai betg surstar che la cultura è da gronda impurtanza en la purschida turistica: ina scena culturala viva, museums multifars ed interessantas visitas guidadas tras la citad spetgan ils giasts.
Differentas persunas da las organisaziuns Cuira Turissem, dal post spezialisà per la cultura da la citad da Cuira, da la kammerphilharmonie grischun, dal Museum retic e da l'Institut per la perscrutaziun da la cultura grischuna han beneventà la roadshow da graubünden Cultura
Invistas.
Las pli impurtantas constataziuns
- Il turissem cultural è in factur impurtant per la destinaziun ed è francà sco champ da fatschenta strategic da Cuira Turissem.
- Las visitas guidadas tras la citad che han gia dapi onns grond success giogan ina rolla centrala en la purschida turistica.
- La citad da Cuira ha in post spezialisà per la cultura da la citad che s'occupa da divers projects culturals. A chaschun dad occurrenzas extraordinarias, sco p.ex. l'onn d'onur per HR Giger il 2024, vegn intensivada la communicaziun davart purschidas culturalas correspundentas.
- La citad da Cuira ha elavurà la strategia culturala 2020 – 2025 en in process participativ.
- Il post spezialisà per la cultura da la citad metta a disposiziun la plattafurma culturala «Chur Kultur» che sa basa sin Guidle e porscha ina survista da la purschida culturala da la regiun: chur-kultur.ch
- Inscunters instituziunalisads da vart da Cuira Turissem han lieu actualmain surtut en connex cun la carta da giasts e las visitas guidadas tras la citad. En cas da projects concrets han era lieu inscunters cun las differentas uniuns culturalas.
- A Cuira è il potenzial turistic cultural fitg grond. Sper ils differents museums, las baselgias, la citad veglia ed ulteriuras purschidas culturalas han lieu regularmain occurrenzas.
«Cuira n'è betg mo la pli veglia citad da la Svizra, mabain er il center cultural dal Grischun. Museums, galarias ed ina scena culturala multifara fan da Cuira in lieu d'inscunter viv cun tradiziun e preschientscha.»
Fabian Maasch, mainagestiun da Cuira Turissem
9 Bilder anzeigen
