On the road 13.09.2024
Visita da la destinaziun Bregaglia
La Bregaglia è marcada da sia ierta culturala, da Giacometti sur Segantini fin a las chastognas. La cultura furma il center da la direcziun strategica e da la communicaziun da la regiun.
Eli Müller, directura da Bregaglia Turismo, ha beneventà ensemen cun Jon Bischoff (Comune di Bregaglia) la roadshow da graubünden Cultura en la val. Jon Bischoff, ch'è affin per la cultura, lavura sco suprastant communal e responsescha plinavant ils interess culturals e turistics da la val.
Invistas.
Las pli impurtantas constataziuns
- La Bregaglia vegn numnada cun raschun la vallada dals artists.
- L'organisaziun turistica è pertscherta da la muntada da la cultura ed ha orientà correspundentamain sia strategia.
- In post spezialisà per la cultura na datti betg, dentant stat la vischnanca finanzialmain bain ed ha ina cumissiun da cultura ed in budget generus per la cultura.
- Interessant è il fatg che la cultura ed il turissem èn domiciliads en il medem ressort da l'administraziun communala.
- Schebain che la collavuraziun tranter la cultura ed il turissem funcziuna en general bain, n'èsi betg adina simpel da tegnair quint a tut ils basegns e las spetgas.
- Potenzial per il turissem cultural è avant maun, surtut en la collavuraziun cun ils partenaris. Da prender per mauns èn ina meglra coordinaziun da las occurrenzas e dals temps d'avertura ed ina meglra communicaziun.
«La valur da la cultura è gronda tar nus. Perquai avain nus dapi il schaner 2024 ina cumissiun da cultura e dapi il schaner 2025 cun Elena Giacometti ina collavuratura che garantescha la colliaziun dal turissem cun tematicas culturalas.»
Eli Müller, directura e manadra dal post d'infurmaziun Bregaglia Turismo
10 Bilder anzeigen
