Visita da la destinaziun Arosa

Carla Gabrí illustrescha cun ses projects scorts fitg specifics per il lieu a moda exemplarica il potenzial che promova l'identitad da projects turistic culturals. Il medem mument augmentan quels la qualitad da vita da la populaziun locala e la qualitad dal segiurn dals giasts.

• La muntada dal turissem cultural valetescha la destinaziun sco impurtanta.
• Strategia culturala: Ina strategia culturala formulada na datti anc betg, en consideraziun dals vitgs da la val ed en dialog cun la cumissiun da la val dal Scanvetg ha la destinaziun però definì cun ina disposiziun da la cumissiun da promover finanzialmain surtut purschidas turistic culturalas durant ils mais da stad. Quests projects duain vegnir cumbinads cun offertas culinaricas e spiertas da moviment per render attractivas excursiuns d'in di en il Scanvetg.
• Igl exista in post spezialisà per la cultura: la persuna da contact è dr. phil. Carla Gabrí che ha a medem temp in post da stab tar Arosa Turissem ed Arosa Cultura per il svilup da formats turistics culturals e garantescha damai ina funcziun da punt tranter omadus secturs.
• Cooperaziun: Inscunters instituziunalisads e l'uniun persunala dal post spezialisà per la cultura e dal post da stab «Svilup da formats turistic culturals» segireschan la colliaziun tranter las producentas ed ils producents da cultura e las persunas che lavuran en il sectur turistic.
• Promoziun da la cultura en la destinaziun: Igl è pussaivel da dumandar la cumissiun da la val, schebain ella sustegnia projects turistic culturals. Il post spezialisà per la cultura cusseglia en dumondas da finanziaziun e gida a realisar ils projects. Ultra da quai iniziescha e realisescha Carla Gabrí en sia incumbensa per il svilup da formats turistic culturals novs projects en dialog cun las abitantas ed ils abitants.
• Collavuraziun da cultura e turissem: Il post da punt permetta da sviluppar formats turistic culturals.
• Sa basond sin il resun areguard projects currents è il potenzial turistic cultural grond.