Novitads 28.08.2024
graubünden Cultura en il focus tar «Il Quotidiano»
En l' intervista ha Kaspar Howald declerà co graubünden Cultura è naschì sin iniziativa da l' uffizi per economia e turissem dal Grischun. La finamira è quella da posiziunar il Grischun sco destinaziun da cultura dominanta en las Alps e da far avanzar il svilup regiunal cun la colliaziun tranter la cultura ed il turissem.
Actualmain fa il team da graubünden Cultura ina roadshow tras il Grischun per emprender d'enconuscher las acturas ed ils acturs da la cultura e dal turissem, per analisar e per promover la collavuraziun locala. Da questa rait duain resultar projects-mussavias che pon vegnir replitgads en autras regiuns dal chantun.
Howald ha accentuà che cultura e turissem discurrian per part differentas linguas. graubünden Cultura ha en mira ina situaziun «win-win», da la quala profitan tant las persunas activas sin il champ cultural sco er la branscha da turissem. Impurtant è tenor Howald er l'impurtanza da la cultura sco factur dal lieu. Ina ritga purschida culturala na serva betg mo ad attrair novs giasts, mabain contribuescha er considerablamain a la qualitad da viver en l'entir chantun.
Guardar ussa.
Contribuziun da RSI
Dapli infurmaziuns davart la visiun e davart las iniziativas planisadas da graubünden Cultura e vesair la contribuziun cumpletta da «Il Quotidiano».