Novitads 22.05.2025
Sin visita tar l'InnoCircle
Ils 22 da matg 2025 è Kaspar Howald stà giast dal 18avel InnoCircle da Grischun Vacanzas. En il focus: la midada dal clima e ses effects previsibels sin il turissem en las alps.
Kaspar Howald ha illustrà tge che la cultura po prestar – e tge betg:
Quai na po la cultura betg prestar:
- Cultura ed art èn savens cumplexs – els dumondan pazienza e la prontezza da sa laschar involver
- Cultura n'è betg in bain da consum – ella na sa lascha betg emballar sco «purschida turistica»
- Cultura n'emplenescha betg automaticamain chombras d'hotel durant la stagiun morta
Quai presta la cultura:
- Cultura creescha autenticitad – ella è singulara e betg remplazzabla ed auza la qualitad da las experientschas
- Cultura promova la persistenza – ella dovra be paucas resursas natiralas
- Cultura sensibilisescha – i vala la paina dad avair in'ureglia averta per las persunas activas sin il champ cultural
- Cultura inspirescha – ella intimescha da pensar a moda creativa ed «out-of-the-box», da crear enstagl da supportar
Per finir è restada ina dumonda: Pudess cultura daventar la nova naiv?
La resposta dat Kaspar Howald:
Cultura n'è betg la nova naiv – ma forsa ina naiv pli colurada.
Dapli dal InnoCircle
Vegni a savair dapli dal InnoCircle e da las diversas preschentaziuns.