Spazi avert

En la Werkstatt a Cuira èn sa radunads var 60 expertas ed experts dal turissem e da la cultura. Lur finamira cuminaivla: sviluppar vinavant il potenzial dal turissem cultural dal Grischun e promover ideas innovativas.

Suenter l'avertura tras Stefan Forster, il president da l'uniun graubünden Cultura, ha Mathias Balzer dà in impuls inspirant. Quel ha pussibilità a las participantas ed als participants da sfundrar en il tema. Sia contribuziun ha animà discussiuns interessantas e mess en moviment il process creativ.

Qua vai a l'impuls da Mathias Balzer

Silsuenter ha il mainaproject Kaspar Howald preschentà las finamiras da l'uniun graubünden Cultura. Suenter ina curta introducziun en la moda da lavurar ed ina preschentaziun dal:las expert:as ha cumenzà la fasa creativa da l'occurrenza:

• pitches da 90 secundas: Tut las participantas ed ils participants han gì la chaschun da preschentar sin il punct lur ideas per promover il turissem e la cultura en il Grischun. 18 ideas impressiunantas èn vegnidas preschentadas!
• sfundrar: En trais rundas da lavur da 40 minutas èn mintgamai tschintg fin sis ideas vegnidas discutadas intensivamain. Las participantas ed ils participants han pudì participar activamain, barattar ponderaziuns e resumar quellas sin in flipchart.
• fixar: En l'ultima fasa èn las participantas ed ils participants sa decidids per in'idea a la quala ellas ed els vulan contribuir activamain. Els ha formulà finamiras, definì proxims pass e fixà termins da check-in.

survista da las ideas sin Miro

A la fin han las gruppas preschentà lur resultats – ma quai è be stada l'entschatta!

• Ils 15 da fanadur 2025 suonda l'emprima Ufficina. Fin lura vegnan las ideas sviluppadas vinavant, ed emprimas mesiras concretas vegnan realisadas.
• Participar ussa e daventar part da la rait! L'annunzia suonda