On the road 03.09.2024
Visita da la destinaziun Bravuogn Filisur
La terza staziun da la roadshow da graubünden Cultura ha manà a Bravuogn Filisur, nua ch'igl ha gì lieu in barat interessant cun Janine Westenberger ed Ursina Barblan.
La cultura gioga ina rolla impurtanta en la purschida da Bravuogn Filisur Turissem. Ina rolla tut speziala gioga il Museum da viafier Alvra. La vischnanca ha incumbensà Bravuogn Filisur Turissem da tgirar ina part dal budget cultural. L'hotel Kurhaus Bravuogn cun ses agen program cultural è er in factur cultural interessant.
Invistas.
Las pli impurtantas constataziuns
- L'impurtanza dal turissem cultural vegn considerada sco fitg gronda.
- Igl exista ina strategia per la cultura.
- I na dat nagin post spezialisà per la cultura.
- Cooperaziun: I dat numerus inscunters cun las acturas ed ils acturs da cultura per coordinar la collavuraziun e la planisaziun. Quests inscunters n'èn betg instituziunalisads, han dentant lieu regularmain.
- Promoziun da la cultura en la destinaziun: Grazia ad ina cunvegna da prestaziun cun la vischnanca da Bravuogn Filisur survegn l'organisaziun turistica ina contribuziun annuala fixa per promover activitads culturalas.
- Collavuraziun da cultura e turissem: La responsabladad è vegnida transferida cun la surdada dals meds finanzials.
- Museum da viafier Alvra: Ina purschida culturala centrala da la destinaziun Bravuogn Filisur è il Museum da viafier Alvra. L'organisaziun turistica, il center d'infurmaziun ed il Museum da viafier sa chattan en il medem bajetg.
«La cultura ha ina valur particulara a Bravuogn Filisur. Bleras persunas s'engaschan cun agens projects ed atgnas exposiziuns. Nus sustegnain tranter auter il Bergfahrt Festival, las serenadas, las societads da musica u exposiziuns d'art. La collavuraziun d'indigenas e d'indigens, da segundindigenas e segundindigens, giasts, la vischnanca e responsabels per il turissem enritgeschan la regiun.»
Janine Westenberger, mainagestiun da Bravuogn Filisur Turissem SA
7 Bilder anzeigen
